Chech we uk’isb’al taq ik’ le Pokémon Go usilab’am le uwachulew. Utz katb’e chi uchi’ le polo are chi kawil e k’i e winaq le kech’ojin chi rij uriqik jun Pokémon rech joron pacha’ Magikarp o Krabby. Chatsolina pa le q’ayes are chi kawil taq Caterpies rech q’ayes.
¿Xa k'ut jas ub’anik Pokémon kariq pa le kaj?
Pine’ man jun Pokémon ta le q’ij, sib’alaj kjunamataj ruk’ jun t’in Pokémon le ub’ina’am Magnetion. “Descarga” chi’l “Electrocañón” are wa’ keb’ chi kech le uchuq’ab’il Magneton. Kajunamataj ruk', le Q'ij kakowinik kutik nimaq taq kaqiq' ¡le kakowinik kub'an k'ax chech le satélites rech ch'awem xuquje' kub'an k'ax chech taq raqan kaxlan q'aq'!
We taq kaqiq' yakom rumal taq "campos magnéticos" rech le Q'ij. Jun jek'onel (pacha le kanak'ab'ax chech taq b'anb'al t'aja'j) kutik jun k'olib'al rech chuq'ab' le man ka'ilitaj taj le ub'i' campo magnético. Le Q'ij kajunamataj ruk' jun jek'onel. Xa k'ut rumal chi kakitik taq Campos magnéticos le Q'ij chi'l taq ch'umil rumal chi le Q'ij man eta'matal ta le q'aq ub'antajik.
Chi upam jun ch'umil are ub'anom pa taq cholajil. K'o jun k'olib'al jawi' le uchuq'ab' le ch'umil ka'el la chi rij xuquje' jun chik jawi' le uchuq'ab kasutin pa uwi' xuquje' chi uxe'. K'i nima'q keta'mab'al kakichomaj chi le campos magnéticos rech taq ch'umil katikitaj la pa le k'olib'al jawi' kuriq wi rib' we keb' ucholajil.
Xa k’u, le ch’umil sib’alaj ub’ixikil chi uwach le Q’ij chi man katajin kub’an k’ax le ch’uqb’al rech, pacha’ kawil pa le wachib’al ajsik. Xa k’u, ¡jun k’ak’ usolik uxe’ xuriqo chi k’o na taq le campo magnético kajunamataj ruk’ taq le ch’umil pacha’ le Q’ij!
¡Wene’ we uch’ob’ik taq le campo magnético rajawaxik kaq’atuj na!
Geinig weetje
Kaqetaj le uchuq’ab’ jun campo magnético rech jun ch’umil ruk’ rilik taq le uk’iyal rayox X kakiya’o. ¡Sib’alaj k’i rayox X kuya’ pa jun campo magnético sib’alaj k’o uchuq’ab’!.
Share:
